عراقی خطے میں قائم کرد علاقائی حکومت نے اعلان کیا ہے کہ وہ ریفرنڈم کی طرف بڑھ رہے ہیں اور اسے منسوخ نہیں کیا جائے گا-
صدر مسعود بارزانی نے کہا کہ عراق اب ایک فرقہ وارانہ ریاست بن چکی ہے اور کوئی جمہوری ریاست نہیں رہی- اس لیے ہم ریفرنڈم کے ذریعے اپنی آزادی کا اعلان کریں گے-
انہوں نے مزید کہا کہ کرد بغداد حکومت کے ساتھ مذاکرات کریں گے تاکہ ریفرنڈم کے نتائج تسلیم کیے جائیں-
عراقی خطے میں ہونے والے اس ریفرنڈم پر عراق، ترکی اور ایران کو شدید تحفظات ہیں- ترکی نے ریفرنڈم کی صورت کرد علائی حکومت پر پابندیاں عائد کرنے کی دھمکی دی تھی- کرد علاقائی حکومت تیل سمیت اپنے تجارت ترکی کے راستے کرتی ہے- جبکہ اسرائیل نے ریفرنڈم کی پرزور حمایت کرتے ہوئے کرد علاقائی حکومت کو تعاون کی یقین دہانی کروائی ہے-