ترکی کی قومی اسمبلی کے اسپیکر مصطفیٰ شینتوپ نے غازی انتیب سے رکن پارلیمنٹ اور ترکی کی قومی اسمبلی کے انتظامی سربراہ علی شاہین کو مبارکباد پیش کی، جنہیں لاطینی امریکہ اور کریبین پارلیمان کے لیے ترکی کی قومی اسمبلی کے ترک وفد کا سربراہ منتخب کیا گیا ہے۔
اس موقع پر رکن پارلیمنٹ علی شاہین نے اپنی خوشی کا اظہار کرتے ہوئے سب کا شکریہ ادا کیا جنہوں نے انہیں اس ذمہ داری کے قابل سمجھا۔
رکن پارلیمنٹ کا کہنا تھا کہ "میری خواہش ہے کہ لاطینی امریکی اور کریبین پارلیمانوں کے لیے ترک وفد، جسے پارلیمنٹ نے پہلی بار تشکیل دیا ہے، ترکی کے لیے فائدہ مند ثابت ہو، اور میں ترکی کی قومی اسمبلی میں ہمارے اسپیکر اور ہمارے آق پارٹی کے پارلیمانی گروپ کا شکریہ ادا کرنا چاہوں گا۔ جنہوں نے مجھے اس وفد کے سربراہ کے قابل سمجھا۔ میں اپنے ملک اور قوم کے شایان شان بننا چاہتا ہوں”۔
TBMM @TBMMresmi tarafından ilk kez oluşturulan Latin Amerika Parlamentoları Türk Delegasyonu’nun hayırlara vesile olmasını diliyor, şahsımı delegasyon başkanlığına layık gören TBMM Başkanımız ve AK Parti Grubumuza şükranlarımı sunuyor, ülkeme ve milletime layık olmayı diliyorum. pic.twitter.com/Uz4F4JltZ4
— Ali ŞAHİN (@AliSahin501) January 5, 2022
تم چناق قلعے کے وقت ہمارے ساتھ تھے ہم کشمیر پر آپ کے ساتھ ہیں: علی شاہین
ترک رکن پارلیمنٹ علی شاہین پاکستان کے مخلص دوست کے طور پر معروف ہیں۔ ان کا یہ بیان ہندوستان میں بھی پڑھا گیا جب انہوں نے کہا کہ ہمارے کشمیری بھائیوں اور بہنوں کو یہ جان لینا چاہئے، سری نگر کے بچے انقرہ کے بچے ہیں۔ وادی کشمیر کی خواتین اناطولیہ کی خواتین ہیں۔ کشمیری ماؤں کے آنسو ترک ماؤں کے آنسو ہیں۔ کشمیر ہمارا آج کا چناق قلعے اور داردینیلس ہے۔ کل چناق قلعے کے وقت آپ ہمارے ساتھ تھے، آج ہم کشمیر کے معاملے میں آپ کے ساتھ ہیں۔
علی شاہین، ترکی میں سب سے بڑے پاکستانی ہیں، انہوں نے کراچی یونیورسٹی سے عالمی تعلقات میں بیچلر اور ماسٹر کی ڈگری حاصل کی۔ وہ ترک پارلیمنٹ کے واحد رکن ہیں جنہیں اردو زبان پر بھی عبور حاصل ہے۔ وہ نائب وزیر برائے یورپی یونین معاملات بھی رہے ہیں۔ گاہے وہ آر ٹی ای اردو کے لیے اردو زبان میں لکھتے بھی رہتے ہیں۔