تیس سال پہلے، محمود سلیجی نے وسطی ترکیہ کے صوبہ کہرامان ماراش میں ایک خاندانی عمارت تعمیر کی تھی، لیکن انہیں معلوم نہیں تھا کہ ایک دن زلزلے سے گر جائے گی اور اس کے پورے خاندان کا خاتمہ ہو جائے گا، 6 فروری کے زلزلوں میں ان کا بیٹا، دو بیٹیاں، ایک داماد اور چار پوتے جاں بحق ہو گئے۔
ان کی اہلیہ ایلف نے کہا کہ وہ اپنا ایک بیٹا تقریباً 20 سال قبل کینسر کی وجہ سے کھو چکے تھے۔ اور اب ہم نے اپنے سارے بچے اہل و عیال کے ساتھ کھو دئیے ہیں۔ ہم ان میں سے ایک کو بھی نہیں بچا سکے۔ میرے پوتے اور پوتیاں بھی جا چکی ہیں۔ یہ درد ناقابل برداشت ہے۔
مہمت چاکرخان، 74 سال کے ہیں اور یہاں تک پہنچتے پہنچتے انہوں نے عمرے کے لیے لیرا جمع کیے- بہار میں وہ عمرہ کرنے جانے والے تھے کہ اب زلزلہ آ گیا-
"میرے دل نے کہا کہ اب عمرہ کی ضرورت نہیں، اپنی رقم یہاں انسانوں کے دکھ پر مرہم رکھنے کے لیے عطیہ کردی" pic.twitter.com/ru8su14Uay
— RTEUrdu (@RTEUrdu) February 15, 2023
40 سالہ ترکان، 30 سالہ سعید اور 43 سالہ سکران نے تقریباً اپنی پوری زندگی خاندانی عمارت میں گزاری، جو ان کے والد کے پیٹرول اسٹیشن سے کچھ میٹر دور ہے۔ سکران کے چار بچے تھے جن کی عمریں 21، 20، 15 اور 13 سال تھیں۔
سب سے بڑی پوتی، برسن، حال ہی میں نرس بنی تھیں اور ایک ہسپتال میں جاب شروع کی تھی اور 15 فروری کو اپنی پہلی تنخواہ وصول کرنے والی تھیں۔
دادی ایلف نے کہا کہ "برسن بہت خوبصورت اور مہربان انسان تھیں، وہ سب کو پسند تھیں۔ اس نے حال ہی میں انسانیت اور ترکیہ کے لیے حلف اٹھایا تھا۔ وہ اپنی پہلی تنخواہ ضرورت مند لوگوں کے لیے عطیہ کرنے جا رہی تھی۔ وہ اب چلی گئی ہے۔ اس نے خواب دیکھا تھا،”۔
ایلف نے کہا کہ سعید پچھلے مہینے میں بہت خاموش رہا تھا، اس نے مزید کہا کہ وہ اس کی خیریت کے بارے میں فکر مند تھی۔ اسے کوئی بیماری یا کوئی مسئلہ بھی نہیں تھا۔ وہ پچھلے تین دنوں میں اور بھی خاموش ہو گیا تھا جس کے بعد زلزلے آئے اور وہ ہمیشہ کیلئے خاموش ہو گیا
میں نے اس سے پوچھا تھا کہ "معاملہ کیا ہے؟” میں نے اس سے بار بار پوچھا۔ اس نے کہا کہ "کچھ بھی نہیں،” ایلف نے کہا۔ "اب اس سب کے بارے میں سوچتے ہوئے، مجھے یقین ہے کہ اس نے محسوس کیا ہوگا کہ ہمارے لیے کیا آ رہا ہے۔”۔
اسی طرح کی کہانیاں پورے شہر میں سنی جا سکتی ہیں، جہاں مقامی لوگ ایک ہی اپارٹمنٹ کی عمارت میں رہتے ہیں اور بعض صورتوں میں ان کے خاندانی کاروبار گراؤنڈ فلور پر ہوتے ہیں۔
اب جب کہ وہ اپنے تمام بچے اور پوتے پوتیاں کھو چکے ہیں، محمود اور ایلیف اپنے رشتہ داروں اور دوستوں کی مدد سے زندگی کو سنبھالنے کی کوشش کر رہے ہیں جو منہدم عمارت کے باہر ان کے خیموں میں ان سے ملنے آ رہے ہیں۔