فیس بک نے پیر کو اعلان کیا ہے کہ اس نے ترکی میں اپنے مقامی نمائندے کے تقرر کا عمل شروع کر دیا ہے تاکہ ملک کے نئے سوشل میڈیا قوانین پر عمل کر سکے۔
یہ قدم اُس وقت اٹھایا گیا ہے جب اشتہارات پر پابندی کی ڈیڈلائن سر پر کھڑی تھی، جس کے تحت ترک ادارے ان پلیٹ فارمز پر اشتہار نہیں دے پائیں گے کہ جو ملک کے قوانین پر نہ چلیں اور مقامی نمائندے مقرر کرنے میں ناکام ہو جائیں۔
فیس بک، انسٹاگرام اور ٹوئٹر سمیت مختلف سوشل میڈیا نیٹ ورکس کو گزشتہ سال کی دوسری ششماہی میں کُل 40 ملین ترک لیرا (5.35 ملین ڈالرز) کے جرمانے ہو چکے ہیں۔