ترکی میں میلاد، یوم ولادت حضرت محمد ﷺ عقیدت سے منایا گیا

بدھ کے روز ترکی میں میلاد حضرت محمد صلی اللہ علیہ وسلم مذہبی جوش و خروش سے منایا گیا-

پورے ملک میں مسلمان مسجد میں پہنچے جہاں اسلام سے اپنے تعلق کو مضبوظ کرتے ہوئے حضرت محمد صلی اللہ علیہ وسلم کی شان اقدس میں نعتیں پڑھی گئیں-  ایسے مذہبی پروگرامات پورے ملک میں دیکھنے میں آئے-

اس شب تمام مسلمان نوافل پڑھتے ہیں اور مسجدوں میں قرآن پاک کی تلاوت کرتے ہیں- اس کے علاوہ وہ پیغمبر صلی اللہ علیہ وسلم کی مدع سرائی کرتے ہیں-

ترک صدر رجب طیب ایردوان نے میلاد نبوی کے حوالے سے قوم کے نام خصوصی پیغام بھیجا اور مبارکباد دی-

ساری اسلامی دنیا میں 12 ربیع الاول کا دن یوم ولادت حضرت محمد صلی اللہ علیہ وسلم کے طور پر منایا جاتا ہے- یہ دن مختلف ملکوں میں قمری کیلنڈر کے فرق کی وجہ سے مختلف دنوں میں آتا ہے-

اس دن پاکستان، انڈونیشیا، ملائیشیا، بنگلہ دیش اور بھارت کے کچھ علاقوں میں عام تعطیل بھی کی جاتی ہے-