ملائیشیا کی ملکہ عزیزہ، وسطی اناطولیہ کے علاقے میں اپنے دورے کے موقع پر تاریخی شہر کاپاڈوکیا کی محبت میں گرفتار ہو گئیں ہیں، اور کہا کہ وہ خریدنے اور یہاں رہنے کے لیے ایک گھر کی تلاش میں ہیں۔
تنکو عزیزہ امینہ میمونہ حال ہی میں صدر رجب طیب ایردوان اور خاتون اول امینہ ایردوان کی دعوت پر ملائیشیا کے بادشاہ سلطان عبداللہ ریاضی المصطفیٰ باللہ شاہ کے ساتھ انقرہ آئی تھیں۔
اس دورہ کے بعد ملکہ نے عالمی شہرت یافتہ کاپا ڈوکیا کے سیر کرنے بھی گئیں، یہ ایک دلکش جگہ ہے جو پریوں کی چمنیوں کے لیے مشہور ہے۔
نیوشہر کی گورنر، انجی سیزر بیجل کے ہمراہ اپنے دورے پر، میمونہ نے یہ علاقہ "اتنا خوبصورت” پایا کہ اب وہ وہاں رہنے کے لیے جگہ چاہتی تھی۔
انہوں نے یہ بات تاریخی مقامات کے دورے کے بعد ترک صحافیوں سے بات کرتے ہوئے کہی۔
انہوں نے کہا، "میں ہمیشہ کاپاڈوکیا کا دورہ کرنا چاہتی تھی۔ کاش میں یہ دورہ پہلے کر پاتی، لیکن مجھے ابھی وقت ملا کہ اس شہر کو دیکھ سکوں”۔
اس بات پر روشنی ڈالتے ہوئے کہ وہ اس جگہ کو بہت پسند کرتی ہے، ملکہ نے کہا، "میں اس علاقے میں ایک مٹی سے کٹی ہوئی جگہ خرید کر وہاں رہنا چاہتی ہوں۔”
ان کا کہنا تھا کہ "یہاں سب کچھ خوبصورت ہے”۔