ترکی کے نہیں، تمہارے طالبان، ایردوان کے طالبان سے عقیدہ پر اختلاف نہیں کے بیان پر #SeninTaliban کا ٹرینڈ

0 3,693

صدر رجب طیب ایردوان کے عید کے موقع پر دئیے بیان پر ترکی کے سوشل میڈیا نے ردعمل کا اظہار کرتے ہوئے ٹویٹر ٹرینڈ بنا دیا- #SeninTaliban کا ہیش ٹیگ اس بیان پر دیا گیا جس میں صدر ایردوان نے کہا تھا کہ طالبان کے ساتھ عقیدہ کے معاملہ ہمارا کوئی اختلاف نہیں ہے۔ تاہم ان کا طریقہ کار غلط ہے جس میں وہ اسلحے کے زور پر افغانستان پر قبضہ کر رہے ہیں۔

ایک ترک صارف حکیم لقمان نے لکھا ہے کہ ہم ایمان والے ہیں لیکن ہم شدت پسند اسلامسٹ نہیں ہیں، طالبان تمہارے ہیں۔

ایک اور صارف پروفیسر فاجیا نے لکھا ہے کہ مجھے کوئی بھی قرون وسطیٰ کی ان ابتدائی تخلیقات سے نہیں ملا سکتا۔ طالبان تمہارے ہیں-

ترک صدارف یاسمین نے لکھا کہ میرا چہرہ اس روشنی کی طرف مڑا ہوا ہے۔ میں کبھی بھی اس سے منہ نہیں موڑ سکتی۔ طالبان تمہارے ہیں۔

ایک اور صارف لیوینٹ اوزرین نے لکھا ہے ترکی کا طالبان کے ساتھ ایک ہی مشترکہ نقطہ ہے جو (ایردوان کی) آق پارٹی ہے۔ ایردوان تمہارے ہیں

اس ٹرینڈ کو بناتے ہوئے کئی ترک صارفین نے ترک صدر ایردوان کی سابق افغان مجاہدین کے ساتھ بنائی گئی ایک تصویر کو بھی کئی بار پوسٹ کیا گیا ہے جس میں ترک صدر ان مجاہدین کے زانوں میں بیٹھے دکھائی دیتے ہیں۔

ٹرینڈ میں صدر ایردوان کے کئی اقدامات کو طالبان ذہنیت کے مشابہ قرار دیا ہے اور کہا گیا کہ اگر ایردوان چند مزید سال رہے تو ترکی افغانستان جیسا ملک بن جائے گا۔

تبصرے
Loading...