ترکی نے کورونا ویکسینیشن کو 50 سال سے زائد عمر والوں تک بڑھا دیا

0 882

ترکی کے وزیر صحت فرحت الدین کوجا نے بدھ کے روز کہا ہے کہ یکم جون تک ترکی اپنی حفاظتی ٹیکوں کی مہم میں 50 سال زائد عمر کے شہریوں کو شامل کرے گا۔

کورونا وائرس سائنسی مشاورتی بورڈ سے ملاقات کے بعد، کوجا نے اعلان کیا کہ جلد ہی ترکی اپنی ویکسین استعمال کرے گا۔

"میں اس خوشخبری کو بانٹنا چاہوں گا کہ ہم جلد ہی اپنے ہی CoVID-19 ویکسین کا انتظام کر لیں گے۔”

انہوں نے مزید کہا: "حالیہ پیشرفتوں اور صورتحال معمول پر لانے کے منصوبوں کے ساتھ، یہ واضح ہو گیا ہے کہ ہم اس موسم گرما میں وبا کے تباہ کن اثرات سے باہر آ جائیں گے۔”

مزید برآں، ترکی نے COVID-19 ویکسین کی 270 ملین خوراک لینے کے لئے سودوں پر دستخط کیے ہیں، "جو ہماری آبادی سے تین گنا زیادہ ہے۔”

کوجا نے کہا "اگلے ہفتے کے آغاز میں، ہمارے ملک میں ویکسین کی تقریباً 5 ملین خوراکیں پہنچیں گی۔

ترکی نے 17 مئی کے لاک ڈاؤن کے بعد آہستہ آہستہ زندگی معمول پر آ رہی ہے اور جس کے نتیجے میں ملک میں انفیکشن نمایاں طور پر کمی آئی ہے۔

امریکہ میں قائم جانز ہاپکنز یونیورسٹی کے مطابق، دسمبر 2019 کے بعد سے، وبائی مرض نے 192 ممالک اور خطوں میں 3.4 ملین سے زیادہ افراد کی جانیں لی ہیں۔

تبصرے
Loading...