وفاقی دارالحکومت پاکستان اسلام آباد میں ہفتہ ترک آرٹ اینڈ فوڈ فیسٹیول کا آغاز ہو چکا ہے- فیسٹیول کا اہتمام پاکستان میں ترک سفارت خانے کی جانب سے کیا جا رہا ہے- ہفتہ کے روز فیسٹیول کا باقاعدہ آغاز ترک سفارت کار صادق بابر گرگن نے کیا-
اس موقع پر صادق بابر گرگن نے کہا: "ہم ترک پاک سفارتی تعلقات کے 70 سال منا رہے ہیں اور یہ فیسٹیول اسی سلسلے کی ایک کڑی ہے- ترکی نے پاکستان کے قیام کے فوری بعد سفارتی تعلقات کا آغاز کر دیا تھا”-
فیسٹیول میں شرکت کرنے والے ایک مقامی بزنس مین خوشحال نے ترک سرکاری خبر رساں ایجنسی کو بتایا کہ ترک فوڈ دنیا بھر میں مشہور ہے اور میں پہلی بار یہاں پاکستان میں اسے کھا رہا ہوں یہ بہت لذیذ ہے-
فیسٹیول میں روزانہ کے مینو میں سوپ میزہ اور کباب کی مختلف ورائٹیز کے ساتھ ساتھ ڈیزٹس اور اسارٹمنٹس شامل ہیں- سی فوڈ کے ساتھ شوارمے میں دستیاب ہیں- اس موقع پر اسلام آباد سے شرکت کرنے والی ثمینہ علی نے بتایا کہ انہوں نے نہ صرف ترکش فوڈ بلکہ ترک مہمان نوازی کا لطف بھی اٹھایا ہے- میں اس فیسٹیول کے انعقاد پر پر شکریہ ادا کرتی ہوں جس سے اس قدر لذید ترک فوڈ کھانے کا موقع ملا-